APR

QËLLIMI DHE RËNDËSIA E ANKETËS PAS REGJISTRIMIT (APR)

Cilësia e të dhënave të Regjistrimit të Popullsisë dhe Ekonomive Familjare është vendimtare, mes tjerash për ndërtimin e besimit të publikut dhe të kuptimit në statistikat zyrtare. Qëllimi i vlerësimit të regjistrimit është që të sigurohen shfrytëzuesit me një nivel të besimit kur i përdorin të dhënat dhe të sqarohen gabimet në rezultatet e regjistrimit.

Në përgjithësi është e pranuar se regjistrimi i popullsisë nuk është i përsosur dhe se gabimet mund dhe ndodhin në të gjitha fazat e procesit të regjistrimit.

Gabimet në rezultatet e regjistrimit klasifikohen në dy kategori të përgjithshme:

Gabimet në mbulueshmëri - janë gabime që ndodhin për shkak të mos regjistrimit apo dyfishimeve të personave apo njësive të banimit të ekonomive familjare gjatë regjistrimit.

Gabimet në përmbajtje - janë gabime që dalin nga raportimi jo korrekt ose në shënimin e karakteristikave të personave, ekonomive familjare dhe njësive të banimit të cekura në regjistrim.

Ka shumë metoda për të vlerësuar gabimin në mbulueshmëri dhe në përmbajtje në Regjistrime. Në mesin e këtyre metodave, Agjencia e Statistikave të Kosovës, sikurse edhe ne Regjistrimin e vitit 2011 do të përdorë metodën e zhvillimit të Anketës Pas Regjistrimit (APR). 

Metodologjia e zhvillimit të APR është:

1. APR është një anketë mostër e individëve në ekonomi familjare;
2. APR kryhet në pajtim me parimin e pavarësisë nga procesi i regjistrimit.
3. APR kryhet menjëherë pas regjistrimit, në një periudhë të shkurtër kohore;
4. APR përdor pyetësor të veçantë të zhvilluar veçanërisht për këtë anketë. Informatat e mbledhura nga pyetësori i APR-së të shfrytëzohen për vlerësimin e mbulueshmërisë si dhe për kontrollime të cilësisë së karakteristikave të përzgjedhura e të mbledhura në regjistrim.
5. APR do të përdorë të njëjtat koncepte dhe përkufizime sikurse në Regjistrim;
6. Intervistuesit e APR nuk janë pjesë e Regjistrimit, ata do të trajnohen në mënyrë të pavarur
7. Të dhënat e APR do të krahasohen me ato të Regjistrimit dhe do të nxjerrin rezultatet dhe do të publikohen krahas rezultateve të Regjistrimit.

Dokumentet e bashkangjitura:

LISTA PËR ANËTARËT E EKONOMISË FAMILJARE TË CILËT JETOJNË JASHTË KOSOVËS (FORMULARI S1) PYETËSORI PËR KUARTET E BANIMIT KOLEKTIV (FORMULARI C1)PYETËSORI I EKONOMIVE FAMILJARE INSTITUCIONALE-KOLEKTIVE (FORMULARI C2)LISTA E NDËRTESAVE (FORMULARI-LN) PYETËSORI PËR BANESË (FORMULARI R1)